Turismo, Merkataritza eta Kontsumo Sailak Euskal Autonomia Erkidegoko Merkataritza, Industria, Zerbitzu eta Nabigazioko Ganbera Ofizialetako gobernu-organoak berritzeko hauteskunde-deialdia ireki du (Gobernu Bilera 2022-7-5)

fotoconsejo.jpg

2022-07-05

Turismo, Merkataritza eta Kontsumo Sailak Gobernu Kontseiluari helarazi dio Euskal Autonomia Erkidegoko Merkataritza, Industria, Zerbitzu eta Nabigazioko Ganbera Ofizialetako Gobernu Organoak berritzeko hauteskundeetarako deialdia egiteko Ebazpena.

Ebazpenean zehaztutako egutegiaren arabera, hauteskundeak 2022ko urriaren 20an izango dira. Hauteskunde-prozesu honen mugarri nagusiak dira deialdiaren ebazpena, aurtengo abuztuaren 19rako aurreikusita dagoena, irailaren 5ean Euskal Herriko Agintaritzaren Aldizkarian argitaratzea, irailaren 7an hautesleen ordezkariak hautatzeko zozketa publikoa, irailaren 16an hauteskunde-batzordeak eratzeko epea amaitzea. Azkenik, hauteskundeen ondoren, osoko bilkura berria eratuko da azaroaren 15ean.

Prozesu hori babesten duen ebazpenean, Turismo, Merkataritza eta Kontsumo Sailak entzunaldia eman die merkataritza-ganberei. Hori bileratan jaso da, eta ebazpen-zirriborroa hiru ganberei bidali zitzaien, testuari ekarpenak egin ziezazkioten. Ekarpen horiek ia guztiak onartu dira.

Espainiako Gobernuak ireki zuen Espainiako Merkataritza, Industria, Zerbitzu eta Nabigazioko Ganbera Ofizialetako osoko bilkurak berritzeko hauteskunde-prozesua, eta 2023ko azaroaren 15ean amaitu zen. Data horretara arte egin daitezke erkidego bakoitzeko hauteskundeak. Eusko Jaurlaritzako Turismo, Merkataritza eta Kontsumo Sailak egiten du hauteskunde-prozesu hori Euskadin, bere lurraldeko merkataritza-ganberak zaintzea baitagokio.